Policia kthen në zyrën e OVL UÇK-së kompjuterin e vjedhur

17:37 | 21 Korrik 2022
E.H

Falë punës së Policisë është rikthyer shtëpiza e kompjuterit, e vjedhur në zyrat e Organizatës së Veteranëve të Luftës së Ushtrisë Çlirimtare të Kosovës në Lipjan.

Me anë të një njoftimi në rrjetin social Facebook nga OVL UÇK në Lipjan, personi i cili dyshohet që e kishte vjedhur e ka riformatizuar, duke i humbur të dhënat që kishte brenda.

“Të nderuar Veteran të UÇK -së si dhe qytetarë lipjanas ju njoftoj se duke ju falenderuar Policisë së Kosovës Stacionit në Lipjan shtëpiza e kompjuterit e vjedhur në zyrën e OVL UÇK-së – Dega në Lipjan është gjetur. Sot na është kthyer shtëpiza, e kompjuterit e cila ishte në gjendje deri dikun e mirë. Kryerësi i veprës (hajni) kishte bërë formatizim të kompjuterit , ku si pasojë e kësaj na janë humbur të gjitha të dhënat. Ju falemnderit për mirëkuptim!”, thuhet në njoftim./arbresh.info/